Données personnelles M'enregistrer Connexion aux pages perso et au forum ! icon

Mise aux enchères d'un terrain à bâtir

Les sources médiévales, difficilement lisibles, sont une aubaine pour les historiens. Elles permettent de donner des indications précises sur la société de l'époque.

Messagede Jehan » 21 Juin 2006 23:26

AN – P 13552 Cote 81

A vous mes très honnorés seigneurs, messeigneurs les gens des comptes pour monseigneur le duc de Bourbonnois et d’Auvergne à Molins, Phelippes Tailhandier, lieutenant général de noble homme et saige messire Jehan de Belloy, chevalier, cappitaine et chastellain de Belleperche…
… plaise vous savoir que comme ja piéça nous eussions fait mectre en cry et soubastacion une plasse de maison et terre actenant à ladite plasse qui fut de feu Jehan Michier, dit Deux Demeures, assize à la Villeneuve, joignant d’une part la grant rue par où l’en va dudit lieu de la Villeneuve à Saint Pere le Moustier / des deux pars à la terre de Jehan Léveilhé et d’autre part le rif qui descent de l’estang Fourin en Alier / Et laquelle souloit devoir ung chascun an à mondit seigneur le duc vint et cinq solz tournois de cens. Et laquelle ja piéça avoit esté estroussée à André Paignon comme au plus offrant et dernier enchérissent à la somme de douze solz ung denier tournois de cens / pourveu qu’il devoit et avoit promis de bastir à ladite plasse de maison jusques à la somme de dix livres tournois. Et pour ce que ledit André n’a fait diligence d’avoir son décret de vous mesdits seigneurs ainsi qu’il appartient en temps deu / est venu judiciellement par devant nous audit lieu de la Villeneuve le XVème jour de janvier dernier passé Pierre Stevenin demourant audit lieu de la Villeneuve lequel a tiercé la prinse mise qui estoit de dix solz tournois, par ainsi monte dix et sept solz ung deniers tournois à laquelle somme l’avons fait crier et subaster en lieux et plasses acoustumées et es jours de mondit seigneur le chastellain dudit Belleperche tenuz audit lieu de la Villeneuve et y a esté mis par ledit André Paignon douze deniers de cens par ainsi monte dix et huit solz ung denier tournois. A laquelle somme l’avons faicte crier et subaster es lieux et plasses acoustumées et y a esté mis par ledit Pierre Stevenin vint et troiz deniers tournois de cens par ainsi en tout vint solz tournois, à laquelle somme de vint solz tournois l’avons faicte crier et subaster esdits lieux et plasses acoustumées et es jours de mondit seigneur le chastellain de Belleperche tenuz audit lieu de la Villeneuve. Et pour ce qu’avons trouvé nul aultre qui à ladite plasse de maison et terre dessus confinée aye plus voulu mectre de ladicte somme desdits vint solz tournois de cens, à icelluy Pierre Stevenin comme au plus offrant et dernier enchérissent ladicte plasse de maison et terre dessus confinée avons estroussée et estroussont en ce qu’il vous playra mesdits seigneurs, pouveu qu’il doit, sera tenuz et a promis de bastir en ladite plasse de maison jusques à la somme de dix livres tournois, lequel judiciellement l’a promis, réservé doublement après que en ce aures mis voz auctorités et décrez pour lesqueulx avons de vous mesdits seigneurs à vous journée assignée audit Pierre Stevenin par devant vous honnorables seigneurs vous certiffions avoir esté fait en la forme et manière dessus dicte.
Fait et donné soubz nostre scel, le XXVIIIème jour de mars l’an mil IIIIC cinquante et troiz.

Bataillier
Jehan
Bon contributeur
Bon contributeur
 
Messages: 359
Inscription: 15 Déc 2005 14:00

 


  • Articles en relation
    Réponses
    Vus
    Dernier message

Le Moyen Age... Info complémentaires

Services et Infos