Voici, à l'attention de lionheart, et pour tous les épris d'histoire que vous êtes, le chant que Richart composa, lors de sa captivité, suite à son retour de croisade. Je donne ici le texte d'oc. Je donnerai plus tard le texte d'oïl, car il composa son chant dans les deux langues. Plus tard, parce que ça en fait du "tapage" ! A noter, l'orthographe varie selon les éditions, et, j'imagine donc, selon les chansonniers où ce chant fut retrouvé.
Ja nuls om pres non dira sa razon
Adrechament si com om dolens non
Mas per conort deu om faire canson
Pro n'ai d'amis mas paure son li don
Anta lur es si per ma rezenson
So çai dos ivers pres
Or sapchon ben miei om et miei baron
Angles norman peitavin et gascon
Qu'ieu non ai ja si paure companhon
Qu'ieu laissasse per aver en preison
Non o dic mia per nula retraison
Mas anquar soi ie pres
Car sai eu ben per ver certanament
Qu'om mort ni pres n'a amic ni parent
E si'm laissan per aur ni per argent
Mal m'es per mi mas pieg m'es per ma gent
Qu'apres ma mort n'auran reprochament
Si çai me laisson pres
No'm meravihl s'ieu ai lo cor dolent
Que mos senher met ma terra en turment
No li membra del nostre sagrament
Que nos feimes els sans cominalment
Ben sai de ver que gaire longament
Non serai en çai pres
Suer comtessa vostre pretz sobeiran
Sal Dieus e gart la bela qu'ieu am tan
Ni per cui soi ja pres